كيف تتعامل مع طفلك الذي يصوم لأول مرة

كشفت الأخصائية النفسية، سكينة العزيري، عن الطريقة التي يجب على الآباء التعامل بها مع أبنائهم الذين سيصومون شهر رمضان لأول مرة.

وقالت العزيري في تصريح لموقع “كيفاش” إن “الوليدات اللي غادي يصومو أول مرة كيحتاجو معاملة خاصة ماشي بحال الناس الكبار اللي واعيين، الآباء خاصهم يتعاملو بطريقة واعية مع الأطفال ديالهم”.

وأضافت الأخصائية أن “الآباء ما ياخذوش الصيام ديال الأبناء ديالهم بطريقة عادية ولا يقولو ليه را كلشي كيصوم، بالعكس خاص يشرحو ليه شنو هو الصيام، وشنو الغاية منو، وكيفاش خاص يدوز الصيام ديالو مزيان، والحوايج الصحيين اللي خاص ياكلهم ويحافظ على الصحة ديالو”.

وتابعت “الآباء خاصهم يهتمو بالصحة النفسية ديال وليداتهم، ويردو ليهم البال يشرحو ليهم شنو الأحاسيس اللي غادي يحسو بهم وهما صايمين باش يكونو واجدين”.

وأوضحت أن” الآباء ما خاصهم يخافو يهضرو مع ولادهم بالعكس يهضرو معاهم ويوعيوهم، حيت الصيام ممكن يأثر على الوليدات بطريقة عكسية ويأثر على الصحة النفسية ديالو”.